It-Tifel tan-Nanna

Mixja twila minn meta fil-Birgu bkejt l-ewwel bikja biex ftaħt il-pulmuni ħalli ngħarraf lil min kien jinteressah li kont wasalt jien, wara li l-lejl ta’ qabel ommi kienet kielet għal qalbha xi flieli tal-bettiegħ.
Kien żmien ieħor! Żmien tfuliti. Oooo, Żmien ħelu kif għaddejtli! Żmien ta’ meta kont bla ħtija. Jew kważi. Żmien li kollox kien jew ġenna jew infern. Jew dnub jew indulġenzi. Żmien li mawra sal-Belt kienet kważi safra u kulħadd kien jistenna dik il-borża pastizzi ta’ Dimitri.
Kienu żminijiet bħal dawn li fihom trabbejt u kbirt jien u xrift sal-għatba ta’ l-adoloxxenza.
Ġentilment, qed nitolbok tiftakar jew taqsam miegħi dan iż-żmien.

L-Istejjer tal-Istorja

L-Istejjer tal-Istorja huwa proġett edukattiv u divertenti biex it-tfal, u mhux it-tfal biss, isiru jafu u jħobbu aktar l-istorja ta’ artna. L-istejjer, li fihom dejjem jidħlu karattri ta’ tfal, jeħduna minn żmien il-ħaġar għal meta Malta ssieħbet fl-Unjoni Ewropea. Dan hu wkoll proġett awdjo għax l-istess awtur, Ġorġ Peresso, flimkien ma’ Ivan De Battista, jirrakkuntaw l-istejjer li jkun hemm f’kull ktieb. Is- CD, b’mużika komposta apposta, tinsab mal-ktieb. Fl-ewwel ktieb għandna erba’ stejjer, tnejn ta’ żmien il-ħaġar u t-tnejn l-oħra jittrattaw il-perjodu ta’ żmien ir-Rumani, b’riferenza għal meta l-gżejjer tagħna kienu taħt il-Ħakma tal-Feniċi. U fuq kollox il-wasla ta’ San Pawl fostna.

Katakombi

Katakombi every Sunday at 7.30 pm with a repeat on Wednesday at 11.15 pm on TVM